2023an sortua, InpAkta: Inpaktu Sozialerako Ikerlanen Akta – Journal of Research for Social Impact aldizkariak jakintza-arlo guztietako lanak argitaratzen ditu, baldin eta aurkeztutako ikerketak eragin soziala badu (ikus xehetasun gehiago hemen. Ikerketa lanak euskaraz edo ingelesez aurkeztu ahal izango dira. 

InpAkta: Inpaktu Sozialerako Ikerlanen Akta – Journal of Research for Social Impact adituen bitarteko errebisioa duen aldizkaria da. Jakintza-eremuaren arabera, artikulu bakoitza Erredakzio Buruek dagokion arloko editoreari esleituko diote, eta horrek kanpoko bi ebaluatzaile aukeratuko ditu. Ikerketa-lanaren ebaluazioan oinarrituta, arloko editoreak hartuko du argitaratzeko azken erabakia.

InpAkta: Inpaktu Sozialerako Ikerlanen Akta – Journal of Research for Social Impact aldizkariak bi ale argitaratuko ditu urtero 2025etik aurrera, baina artikuluak onartu bezain pronto sarean ere egongo dira eskuragarri. Horrek komunitateari sarbidea erraztuko dio, ale osoa argitaratu arte itxaron beharrik gabe. Lanak 2024ko martxoaren 21etik aurrera hasiko dira onartzen.

InpAkta: Inpaktu Sozialerako Ikerlanen Akta – Journal of Research for Social Impact Akitania Berria, Euskadi eta Nafarroako euroeskualdeko erakunde akademiko eta zientifiko nagusiek lagundutako irabazi-asmorik gabeko argitalpen-proiektua da. Aldizkariaren eduki guztietarako doako sarbidea eskainiko da. Egileek egile-eskubideak gordeko dituzte eta aldizkariari lehen argitaratzeko eskubidea emango diote Creative Commons lizentziapean.

Budapest Open Access definizioari atxikitzen gatzaizkio: Internet publikoan doan eskuragarri, edozein erabiltzailek gure artikuluen testu osoak irakurri, deskargatu, kopiatu, banatu, inprimatu, bilatu edo estekatzeko aukera emanez, indexatzeko arakatu eta datu gisa softwarea garatzeko erabiltzeko, edo legezko beste edozein helburutarako erabiltzeko, Interneterako sarbidetik bereizi ezin diren oztopo finantzario, juridiko edo teknikorik gabe. Erreprodukzioaren eta banaketaren muga bakarra, eta egile-eskubideen eginkizun bakarra arlo honetan, egileei euren lanaren osotasunaren gaineko kontrola eta behar bezala aitortu eta aipatuak izateko eskubidea ematea izan beharko litzateke.

InpAkta: Inpaktu Sozialerako Ikerlanen Akta – Journal of Research for Social Impact aldizkariak ez du artikuluak bidaltzeko kargurik edo artikuluak prozesatzeko kargurik (APC) egingo.